7 лютага ў мінскім клубе Re:Public Еўрарадыё ўзнагародзіць лепшых музыкаў 2013 года. На другім фестывалі “Даём рады” сыграюць “Дай Дарогу!”, Neuro Dubel, Nizkiz, Harotnica, Sciana і “Тлушч”.
Сёлета ўрачыстая цырымонія пройдзе ў прыпанкаваным фармаце!
Дыназаўры айчыннага панку “Дай Дарогу!” і Neuro Dubel сыграюць на адной сцэне. Па некаторых метафізічных прычынах гэтага не адбывалася з тых часоў, калі ўдзельнікі юнага поп-панк гурта “Тлушч” гулялі на выпускным у дзіцячым садку!
Акрамя таго, на нашай арэне з’явіцца дэструктыўны пажарны аркестр Harotnica з новым гітарыстам і змененым саўндам, які цяпер таксама хіліцца некуды ў панк-рок.
Таксама ў трупу сёлетняга фэсту увайшлі магілёўцы Nizkiz і брэсцкі гурт Sciana з новым альбомам.
Намінанты прэміі будуць вядомыя пазней. Але абяцаем даць рады ў класічных намінацыях: “Гурт”, “Альбом”, “Дэбют”, “Сольны выканаўца” і іншых. Да таго ж, мы вызначым, хто з музыкаў у гэтым годзе паўтарыў лётны подзвіг Аляксандра Памідорава, і які з гуртоў не патоне, нават сутыкнуўшыся з айсбергам, і па вялікім сакрэце раскажам, што ж адбывалася ў беларускіх грымёрках цягам 2013-га года, а таксама мы рыхтуем сюрпрызы і разыграем прызы.
Кошт квіткоў:
90.000 — першыя 50 квіткоў,
110.000 — наступныя 100 квіткоў,
130.000 — астатнія,
150.000 — у дзень канцэрта,
170.000 — столік папярэдне,
190.000 — столік у дзень канцэрта.
Набыць квіткі можна праз інтэрнэт, а таксама ў наступных кропках продажу:
– ГЦ “Купалаўскі”, пав. 19 (час працы: 11.00-19.00, выхадны — панядзелак)
– ГЦ “Рыга”, пав. 18 (час працы: 10.00-20.00, без выхадных)
– у клубе Re:public
– у падземным пераходзе на ст. м. Якуба Коласа
– Кропкі продажу сеткі kvitki.by па ўсёй Беларусі, поўны спіс па спасылцы
“Даём Рады” у сацыяльных сетках:
Даведка: +375 29 6490888
