26 сакавіка філіял Веткаўскага музея ў Гомелі запрашае разам гукаць вясну.
Дата: 26 сакавіка
Час: 12.00
Месца: філіял Веткаўскага музея, пл. Леніна, 4А, Гомель
Удзельнікі збяруцца каля будынка музея, а пасля:
— пойдуць на ўзбярэжжа ракі Сож;
— паслухаюць ды падпяюць разам сапраўдным старадаўнім веснавым спевам;
— паводзяць карагоды ды пагуляюць у веснавыя гульні;
— паспрабуюць абрадавае печыва — птушачак;
— зробяць пудзіла Зімы;
— прыгатуюць яечню
— і зладзяць шмат іншых цікавых абрадавых дзеянняў.
Традыцыйна чакаюць на гуканні моладзевы спеўны гурт Гомельскага каледжа мастацтваў імя Н. Ф. Сакалоўскага і фальклорны гурт «Стаўбунскія вячоркі» з вёскі Стаўбун Веткаўскага раёна.
Уваход вольны.
Бярыце цёплае адзенне, асабістую рэч, якую можна спаліць як увасабленне таго, з чым жадаеце развітацца ў наступным годзе, свае ўсмешкі, гарбату, нешта да сумеснага стала. Будзем гукаць вясну разам, каб усё расло і квітнела.
