У суботу, 18 лютага, беларусы Н’ю-Ёрка збіраюцца гукаць вясну!
Дата: 18 лютага
Час: 12.00 (час мясцовы)
Месца: 1 Westerly Road in Ossining, NY 10562
Калі вам таксама надакучыла зімовая непагадзь, далучайцеся да старадаўняга абраду.
Святкаванне адбудзецца на ўзбярэжжы Гудзона ў 40 хвілінах ад Манхэтану каля станцыі цягніка Ossining.
Па традыцыйным абрадавым абедзе будуць вадзіць карагоды і прасіць птушак прынесці дoўгачаканую вясну на крылах. Падчас кульмінацыі свята пусцяць па хвалях паўнаводнага Гудзона саламяную ляльку (а з ёю і ўсе свае цёмныя думкі).
Кошт: 20 даляраў для дарослых, а дзецям да 14 год — уваход вольны!
Па запіс на удзел звяртайцеся да спадароў Пятра і Алены Рыжых па мэйле [email protected], а таксама да спадарыні Ганны Шарко.
