26 сакавіка вясну гукаюць у музеі беларускага народнага мастацтва ў Раўбічах!
Дата: 26 сакавіка
Час: з 12.00
Месца: музей беларускага народнага мастацтва, Раўбічы
Што ж будзем рабіць?
Каб зрабіць усё правільна, даведаемся, як да вясны рыхтаваліся нашы продкі (скарочаная экскурсія па экспазіцыі музея) .
Каб даведацца больш пра нораў нашых бабуль і дзядуль паглядзім батлеечны спектакль.
Каб дапамагчы хуткаму прыходу вясны, будзем рабіць масленічных лялек з тканіны і нітак (вясновых птушак з саломкі).
Каб вясна нас пачула, будзем голасна спяваць і вясну клікаць (дэманстрацыя элементаў абрада ад фальклорнага гурта).
Каб вясна хацела да нас прыйсці, будзем весела скакаць ды ў гульні гуляць (майстар-клас па народных танцах і гульнях).
Каб вясна ведала, як у нас смачна, мы будзем піць гарбату з блінамі.
Працягласць праграмы — 2-2,5 гадзіны.
Кошт — 24 рублі дарослым, 18 рублёў школьнікам. Запісвайцеся загадзя па тэлефонах: +37517 5074469 і +37529 1353241 (Viber).
