Handmade-кірмаш-распродаж. Музычны госць – гурт Re1ikt
07.12.2014
14:00 - 22:00
Jack Club (вул. Няміга, 12)
20 тыс. рублёў
Арганізатары кажуць, што кірмаш мусіць атрымацца канцэптуальным, бо выстаўляцца і прадавацца будуць рэчы з беларускім каларытам, якія цудоўна пасуюць да зімовага сезону: “Мы спадзяемся, што наведнікі змогуць набыць штосьці для сябе, або знайсці незвычайныя калядныя і навагоднія падарункі сваім блізкім”.
У межах мерапрыемства таксама плануюцца майстар-класы рамёстваў і народных спеваў. Завершыцца імпрэза вялікім сольным канцэртам фолк-рок гурта Re1ikt.
Першы беларускі handmade-кірмаш збярэ майстроў, якія займаюцца рознымі рамёствамі: вырабам паштовак, рэчаў з дрэва, скрапбукінгам і інш. Некаторыя з іх правядуць майстар-класы па стварэнні цікавых дызайнерскіх падарункаў.
У музычнай частцы імпрэзы выступяць удзельнікі клуба традыцыйнага мужчынскага спеву “Дунай”, а таксама адбудзецца “Спеўны сход”, падчас якога ягоны кіраўнік Сяргей Доўгушаў з усімі ахвотнымі будзе вучыць беларускія калядныя песні.
Галоўнай музычнай падзеяй вечару стане канцэрт мінскага гурта Re1ikt, які бліжэйшым часам плануе запісаць у Польшчы свой чацвёрты альбом, напалову складзены з перапрацаваных камандай народных песень беларусаў розных рэгіёнаў.
Мерапрыемства пройдзе 7 снежня у мінскім Jack Club (вул. Няміга, 12) з 14 да 22 гадзінаў.
Падрабязная інфармацыя і праграма тут: https://vk.com/pershyzimovyhandmade.
Уваход: 20 тыс. рублёў.
Да ўдзелу ў кірмашы запрашаюцца ўсе ахвочыя майстры і рамеснікі. Каб паўдзельнічаць у мерапрыемстве, тэлефануйце: +375 29 860-42-15 (Сяргей).
