Hello Honey: у Мінску ўпершыню пройдзе вечарына нанаблогераў

14 мая ў Галерэі «Ў» адбудзецца незвычайная вечарына Hello Honey. Пад адным дахам збяруцца каля 100 будучых лідараў меркаванняў. Спецыяльны госць – спявачка і папулярны YouTube-блогер Лера Яскевіч. Уваход на мерапрыемства вольны (18+), але па папярэдняй рэгістрацыі.

Такога фармату мерапрыемства ў Беларусі яшчэ не было. На адзін вечар вольная прастора Галерэі сучаснага мастацтва «Ў» ператворыцца ў маштабную пляцоўку па тэставанні навінкі ад кампаніі «Аліварыя».

«Мы запрасілі блогераў-пачаткоўцаў першымі пакаштаваць наш новы прадукт і паўдзельнічаць у конкурсе на найлепшы агляд. Нанаблогеры – гэта новае пакаленне лідараў меркаванняў. Аўдыторыі падабаецца іх шчырасць і прастата, а словы ўспрымаюцца як парада ад сябра. Аўтары 10-ці найлепшых аглядаў атрымаюць прывабны бонус: прыярытэтнае права каштаваць навінкі кампаніі ў шэрагах самых першых», – кажа брэнд-менеджар «Аліварыі» Марыя Міцэвіч.

Першы тэст чакае блогераў-пачаткоўцаў ужо на самой вечарыне. Ім трэба будзе пакаштаваць і ацаніць новы прадукт кампаніі «Аліварыя» – цёмна-бурштынавы мядовы лагер з водарам карамелі Karol Jan Hello Honey. Новае мядовае піва папоўніла лінейку прэміум-гатункаў Karol Jan, якія выпускаюцца з нядаўняга часу ў бутэльках абноўленага дызайну.

Пасля таго як будзе выкананае галоўнае заданне вечарыны, перад публікай выступіць папулярная спявачка і блогер Лера Яскевіч. Акрамя песень з альбома «Прыхільнасць», Лера плануе прадставіць слухачам сінгл з новага альбома, выхад якога запланаваны на чэрвень.

Сустрэча пройдзе 14 мая ў Галерэі «Ў» па адрасе вул. Кастрычніцкая, 19. Пачатак мерапрыемства а 19:00.