28 мая а 12-й і 14-й гадзінах у Доме-музеі Ваньковічаў адбудзецца фальклорна-музычная праграма “Граная (русальная) субота” для дзетак з бацькамі з узделам дзіцячага гурта “Фолк Рада”, дуэта Агата і фолк-гурта “Вурай”.
У беларусаў гэты каляндарны час звязаны з абрадамі “адмыкання зямлі”, зборам “магічных” зёлак і раслін, а таксама з легендамі і паданнямі пра русалак.
Спецыяльна для гэтай падзеі фолк-гурт “Вурай” падрыхтаваў інтэрактыўную музычную тэатральную праграму па традыцыях абраду “Юр’я” на Беларусі: песні і традыцыйныя беларускія гульні, музычныя казкі і паданні ад вандроўнага Лірніка. Вы пачуеце гукі колавай ліры, дудкі, жалейкі, пабачыце, як выглядае і гучыць акарына-рыба і сапілка, патанчыце пад кантрабас, скрыпку і бубны.
Дуэт Агата (Ірэна Катвцікая і Аляксей Варсоба) пакажуць магічныя русальныя спевы пад гукі акардэона і вывучаць з вамі культавую для гэтых свят песню “Зарадзі, Божа, жыта”.
Дзіцячы гурт “Фолк Рада” прапануе адукацыйную праграму для дзетак і бацькоў па звычаях і спевах абрадаў “Юр’я” і “Страла” з традыцыйным абліваннем адзін аднаго асвячонай вадой і карагодам-шэсцем з Веткаўскага раёна.
Вас чакае майстар-клас па вырабу беларускага абярэга-“павучка”!
А на цудоўным і ўтульным подвор’і сядзібы кожны будзе мець магчымасць завязаць сваю каляровую стужку на Дрэве-волаце!
Музычная праграма разлічана на 1,5 гадзіны. У кошт білета (130 тыс. руб. дарослы, 65 тыс. руб. дзіцячы ) уваходзяць таксама агляд экспазіцыі музея-сядзібы Ваньковічаў, каляровыя стужкі і матэрыялы да майстар-класа па вырабу “павучкоў”. Білеты на праграму можна набыць загадзя па тэл.: (017) 327 88 78, (029) 850 06 42 ці (029) 875 57 78, а таксама на старонках у кантакце https://vk.com/valenti_vankovich ці ў фэйсбуку https://www.facebook.com/Музей-Дом-Ваньковічаў-Культура-і-мастацтва-першай-паловы-XIX-стагоддзя.
Сустракаем Граную суботу ў Ваньковічаў па-беларуску!
