Гродна. Прэзентацыя кнігі Ігара Мельнікава “Мяжа ля Заслаўя 1921-1941”

Памежнае жыццё, дыверсанты, барацьба выведак на міжваеннай савецка-польскай мяжы – пра ўсё гэта і не толькі можна прачытаць у новай кнізе кандыдата гістарычных навук Ігара Мельнікава “Мяжа ля Заслаўя 1921-1941”.

Гісторык прэзентуе яе 31 кастрычніка ў гарадзенскай Краме “Ц”.

У кнізе вялікая ўвага надаецца гісторыі Заходняй Беларусі, працэсу стварэння савецкіх абарончых умацаванняў на мяжы з Польшчай пад Мінскам, падзеям уз’яднання заходнебеларускага рэгіёну з БССР у верасні 1939 года, а таксама гераічнай абароне Заслаўя ў чэрвені 1941 года.

– Гарадзенцам гэтая кніга будзе цікавая тым, што ў ёй распавядаецца пра гісторыю Заходняй Беларусі ў міжваенны перыяд, а таксама пра ўдзел нашых суайчыннікаў у Вераснёўскай кампаніі 1939 года. Акрамя таго, варта разумець, што ў 1930-я гады Заслаўе было такім жа памежным горадам, як Гродна сёння, – кажа Ігар Мельнікаў.

У кнізе “Мяжа ля Заслаўя 1921-1941 гг.” апублікавана больш за 100 унікальных архіўных здымкаў.

Прэзентацыя адбудзецца 31 кастрычніка ў Этнакраме “Цудоўня” (Крама Ц, вул. Вялікая Траецкая, 16).

Пачатак у 15.00.

На прэзентацыі ўсе ахвотныя змогуць пазнаёміцца з аўтарам, задаць яму любыя пытанні па гісторыі Заходняй Беларусі, убачыць унікальныя фатаздымкі і дакументы з архіва аўтара і набыць кнігу з аўтарскім аўтографам.

Твой стыль