У Дзень горада-героя Мінска 3 верасня з 12.00 да 15.00 каля музея Дом Ваньковічаў адбудзецца свята «І зноў жыве старадаўні дворык».
Ва ўтульным сядзібным дворыку наведавальнікаў чакае тэатралізаваная святочная праграма ў традыцыях ХIХ стагоддзя з музыкай, гульнямі і танцамі. Гледачы змогуць паглыбіцца ў атмасферу таго часу: станцаваць паланэз, мазурку, вальс, пагуляць у кракет, замовіць свой партрэт у стылі ампір, пабываць на канцэрце ансабля старадаўняй музыкі «Кантабіле».
Усе жадаючыя змогуць наведаць экспазіцыю Дома-музея Ваньковічаў па льготным білеце.
Больш падрабязную інфармацыю можна атрымаць па тэл.: (017) 327 88 78, на старонках у кантакце або ў фэйсбуку, а таксама на сайце Нацыянальнага мастацкага музея.
Сустракаем Дзень горада-героя ў Ваньковічаў!
