У пятніцу, 1 сакавіка, форум-тэатр «Адчуй» ладзіць у Вільні імправізацыйныя гульні.
Дата: 1 сакавіка
Час: з 18:30 да 20:30 (час мясцовы)
Месца: паведамяць удзельнікам, Вільня
Ці сутыкаліся вы раней з дыскрымінацыяй і прыгнётам?
На жаль, свет становіцца больш закрытым і менш ясным без разумення гэтых тэрмінаў.
Але што калі асэнсаваць іх праз тэатральны падыход?
Падчас гульняў вы:
лепш зразумееце паняцці «дыскрымінацыя» і «прыгнёт», абмяркуеце, як яны адгукаюцца для вас;
зладзіце інтэрактыўныя гульні на разнявольванне і знаёмства з іншымі,
выкарыстаеце акцёрскія методыкі размоваў пра свае пачуцці і эмоцыі.
Практыкаванні бяруць з методыкі форум-тэатраў Аўгуста Бааля і з іх дапамогай ствараюць прастору для шчырай камунікацыі, самавыказвання і падтрымкі.
Мовы — беларуская, расейская.
Папярэдні тэатральны досвед не патрабуецца!
Уваход вольны. Рэгіструйцеся па спасылцы.
