Інтэрактыўная праграма «Tempus discendi est! Прыйшоў час вучыцца!»
25.01.2018
17:00 - 17:00
Нацыянальны мастацкі музей (вул. Леніна, 20)
7 руб. 20 к.
Загадкавыя і ўплывовыя езуіты неслі ў свет не толькі слова Божае, але і шырокае кола ведаў для маладога пакалення. Іх дзейнасць бралі пад апеку велічныя еўрапейскія манархі, іх калегіумы наведвалі знакамітыя ў будучым грамадскія і культурныя дзеячы. Аб сваёй актуальнасці езуіты нагадваюць і ў наш час: у 2013 годзе 266-м Папам Рымскім стаў езуіт. Як звязаны яны з нашай краінай і нашай гісторыяй? Што дазволіла іх сістэме адукацыі стаць самай папулярнай у Еўропе?
Пра ўсё гэта і не толькі – унікальная інтэрактыўная праграма «Tempus discendi est! Прыйшоў час вучыцца!». Ты адчуеш сапраўднае паглыбленне ў эпоху езуітаў, станеш шкаляром і будзеш дэманстраваць сваю кемлівасць і эрудыцыю. У сценах калегіума будзе панаваць дух спаборніцтва і канкурэнцыі паміж табой і тваімі сябрамі, а лепшых шкаляроў будуць чакаць падарункі.
Запрашаем на ўступны экзамен!
Выпрабаванне адбудзецца 25 студзеня 2018 года (чацвер) а 17-й гадзіне ў Нацыянальным мастацкім музеі Рэспублікі Беларусь (Леніна, 20).
Жадаючыя вучыцца старанна і сур’ёзна маюць усе магчымасці для таго, каб атрымаць поспех. Практыкавацца неабходна штодня, канчатак – «на зыходзе гадоў». Але спяшайся! Колькасць месцаў на праграму абмежавана!
Да навучання будуць дапушчаны толькі 50 чалавек!
Кошт аднаго білета 7 руб. 20 к.
Білеты набываюцца загадзя, да 24.01.2018 г. уключна, у касе музея з 11.00 да 18.30
Узроставае абмежаванне 16+
За больш падрабязнай інфармацыяй звяртацца па тэлефоне: 327-45-62
Анкета удзельніка/удзельніцы https://goo.gl/forms/p3t72uvBy9Oz3Wty1
