У суботу, 30 лістапада, асветніцкі праект «Навука па-за сабой» кліча на калажны майстар-клас «Мой горад».
Дата: 30 лістапада
Час: 13.00
Месца: абласная навукова-тэхнічная бібіліятэка, вул. Пушкіна, 6 (4 паверх), Віцебск
Горад — гэта бясконцая крыніца натхнення, ён утрымлівае ў сабе разнастайнасць формаў, фактур і настрояў, мноства герояў і іх гісторый.
Калаж — выдатны спосаб зафіксаваць і праінтэрпрэтаваць гарадскую рэчаіснасць па-свойму.
На майстар-класе вы:
-
даведаецеся што такое візуальны дзённік, як і навошта яго весці;
-
пагаворыце аб навыку пошуку кампазіцый у звыклай гарадской прасторы;
-
трансфармуеце гарадскую штодзённасць Віцебска ў аўтарскія калажы.
Вазьміце з сабой па магчымасці:
-
нажніцы,
-
клей-аловак,
-
каляровую паперу, выразкі з часопісаў/упаковачную паперу/квіткі і любыя на вашу думку прыгожыя папяровыя фрагменты.
Вядоўца — спадарыня Юліяна, мастачка, старшая выкладчыца кафедры дызайну і моды ВДТУ.
Уваход вольны. Рэгіструйцеся па спасылцы.
