У суботу, 17 снежня, Цэнтр беларускай супольнасці і культуры ў Вільні запрашае святкаваць Каляды разам.
Дата: 17 снежня
Час: з 12.00 (час мясцовы)
Месца: Беларускі Дом у Вільні, Vilniaus 20, Вільня
Глядзіце якая праграма:
12:00 −12:30 выступ вулічнага тэатра «Вір»
12:30 — Калядны Кірмаш (вырабы навучэнцаў і бацькоў Школкі)
14:00 — 14:30 — Інсцэніроўка «Каляды» і выступ песенна-танцавальнага калектыву «Світанак»
14:30 — 15:30 — Супольны абед. Вельмі вітаецца прыносіць з сабой да абеда прысмакі — бліны, пірагі, дранікі, каўбасы, сыры, а мо, нават піцу ці бульбу фры. Будзем частавацца ўсе разам! Адзінае абмежаванне — імпрэза безалкагольная.
15:30 — 16:00 — Выступленне вучняў тэатральнага і харавога гуртоў навучэнцаў Школкі
16:15 — 17:00 — Калядаванне і гульні з Казой. Прыносьце пачастункі для Казы (цукеркі, печыва, яблычкі — Каза імі падзеліцца з дзеткамі на падвячорку).
17:00 — 18:00 — Падвячорак, святочны майстар-клас / беларускія настольныя гульні
18:00 — 18:20 — Падарункі ля ялінкі
18:20 — 19:00 — Гульні і танцы з Дударом Вячкам Красуліным
І нарэшце — Калядная дыскатэка!
Будзе супер, калі вы зможаце апрануць нешта ў традыцыйным беларускім стылі (вышываныя кашулі, вышыванкі, іншая вопратка ў беларускім стылі; калядныя касцюмы — казы, мядзьведзя, зайца, ваўка, бусла, жорава, каня, быка і г.д.; ці проста апранайцеся святочна).
Цягам усяго мерапрыемства дзеці (і дарослыя) за ўдзел у святочных імпрэзах і гульнях будуць атрымліваць калядныя зорачкі.
Захоўвайце іх да канца святкавання, каб абмяняць на падарункі ля ялінкі!
Уваход вольны!
