Канцэрт гуртоў IQ48 i Monkey Bite
25.10.2012
19:00 - 22:00
Клуб "Графіці" (зав. Калініна, 16)
Бясплатнае
25-га кастрычніка ва ўтульным пабе-клубе «Графіці» адбудзецца канцэрт-прэзентацыя новага відэа гурта IQ48 – «HMR live».
Год таму альбом «HMR» выйшаў на кампакт-дысках, пазней яго дапоўненая бонус-трэк версія была выкладзеная ў інтэрнэце. Натуральна, прыйшла чарга і візуальнай рэалізацыі.
Вiдэааальбом «HMR live» — гэта здымкі выступу гурта ў адной з Мінскіх студый. Простае і натуральнае відэа, якое паказвае IQ48 як яны ёсць, у натуральным выглядзе. Ніякай залішняй апрацоўкі і гламурнага глянцу тут няма! Толькі драйв і адрыў! Толькі «HMR»!
«Ідэя зняць вiдэаканцэрт прыйшла пасля таго, як нам не далі зайграць некалькі канцэртаў, — распавядае вакаліст гурта Аляксандр Ракавец.
Трэба заўважыць, што гэта ўжо другі падобны вопыт для IQ48. У 2009 годзе адбыўся рэліз DVD «Зрабі сам», дзе лепшыя песні гурта былі прадстаўлены ў акустыцы. Зараз жа IQ48 паўстануць у сваім натуральным гiтарна-рэпавым гучанні.
Што з гэтага атрымалася, вы даведаецеся зусім хутка! 25-га кастрычніка «здаровыя лосі» пакажуць, як дадзены матэрыял выглядае ў рэале! Малюначак ажыве!
Таксама полымя вяселага чаду ў гэты вечар падтрымае надзея беларускага панк-рока гурт Monkey Bite. Хлопцы ў гэтым годзе добра пашумелi, заваявалі любоў аўдыторыі і набралі мяшок музычных узнагарод!
УВАГА! На ўваходзе кожны з гледачоў атрымае падарункі ад музыкаў, а таксама кожнага пачастуюць кампотам, адмыслова звараным — Heavy Monkey Rock!
Будзе горача!
Месца сустрэчы:
Графіці. Пачатак у 19:00
Мінск, зав. Калініна, 16 (ст. м. «Парк Чалюскінцаў»).
Тэлефоны: +375 29 638 44 44, +375 33 638 44 44, +375 25 638 44 44.
Кошт квiткоў 50 000, 70 000 у дзень канцэрта
