Канцэрт Т/Aboret (Варшава) + Vuraj (Мінск)

Варшаўская незалежная ініцыятыва Pine Gigs і мінскі арт-фолк-гурт Vuraj распачынаюць аўтарскі праект польска-беларускага канцэртнага абмену. Ідэя простая – артысты знаёмяцца з музыкай калег у інтэрнэце і, калі ім падабаецца, ладзяць сумесныя канцэрты ў сваіх краінах. Такім чынам 17 красавіка ў мінскі клуб Brugge завітаюць этна-джазавыя эксперыменталісты T/Aboret з Варшавы.

„Мы маем агульную мяжу, але вельмі мала ведаем пра тое, якую музыку любім граць і слухаць. З большага можам назваць некалькі старых імён, альбо паўтарыць штосьці, што чулі па радыё і аб чым праз некалькі дзён забудзем. Хочацца, каб усё было інакш – адкрыцці, здзіўленні, мікрааўтобусы, сцэны, эмоцыі, дыскі, успаміны”, – кажуць польскія арганізатары падзеі.

„Польшча цяпер на высокім уздыме ў галіне фолькавай музыкі, і нам трэба шмат чаму павучыцца ў суседзяў. Мы маем багатую аўтэнтычную спадчыну, але не ведаем як і што з гэтым рабіць. Падобныя супольныя канцэрты, фестывалі і майстар-класы дапамогуць нам узбагаціць нашую музычную прастору і выйсці на іншы ўзровень”, – каментуе праект і падзею Сержук Доўгушаў, лідар гурта Vuraj.

T/Aboret (PL, Варшава) – чатыры асобы, 13 інструментаў, адна гісторыя. Самавыражэнне ў этна-джазавых кампазіцыях, імправізацыях і рытмічных варыяцыях. Традыцыйныя карані, сучасная мова, адчуванні блізкія кожнаму. taboretmusic.com

Vuraj (BY, Мінск) – аўтэнтычныя мелодыі і музычны строй, адметнасці мікрамоў і дыялектаў, магія абрадавых песень, таямніцы старажытных рытуалаў і моц сувязі з продкамі. – “Што спяваеце?” – “Літо!” vuraj.bandcamp.com

17 красавіка, 19:00

пр. Партызанскі, 6А, клуб Brugge

квіткі тут

+37525 9969376; +37533 6611432  (BY)

+48516491781; pinegigs@gmail.com (PL)