У чацвер, 29 студзеня, у Нацыянальным цэнтры сучасных мастацтваў адбудзецца кіналекторый "Люм'еры".
Вядоўца - магістарка гісторыі мастацтваў Лізавета Філімонава.
Да 1895 году ўжо існавала немалая колькасць эксперыментатараў кіно, але менавіта Люм'ерам удалося правесці першыя гучныя публічныя кінапаказы і трывала зацвердзіць сваё імя ў гісторыі кінематографа.
Кіналекторый будзе прысвечаны знакамітым братам і незлічонай арміі іх аператараў, якія здымалі па ўсім зямным шары.
Паглядзіе адрэстаўраваныя фільмы, якія да гэтага часу хвалююць сваёй паэтычнасцю і з'яўляюцца ўнікальнай магчымасцю адчуць дух мінулай эпохі.
Квіткі - 20 рублёў (прагляд экспазіцыі ўключаны ў кошт). Рэгіструйцеся па спасылцы.