У чацвер, 3 жніўня, у каворкінгу «Кропка» — новая сустрэча клуба «Кінаканапа».
Дата: 3 жніўня
Час: 19.00 (час мясцовы)
Месца: 500 м ад плошчы Свабоды (адрас дашлюць зарэгістраваным), Тбілісі
Будуць глядзець швейцарскі фільм «Боскі парадак».
Рэжысёрка Пятра Б’ёндзіна Вольпе стварыла фільм пра публічныя фемінісцкія хваляванні ў 1970-71 гадах, падчас якіх жанчыны Швейцарыі змагаліся за атрыманне права галасаваць і прымаць удзел у выбарах.
Маладая хатняя гаспадыня Нора жыве ў невялікай швейцарскай вёсцы, дзе час нібы спыніўся. Калі яна хоча ўладкавацца на працу аказваецца, згодна з законам, яна не можа зрабіць гэтага без дазволу мужа. На думку Норы, гэта і шмат іншых рэчаў несправядліва.
Узорная жонка і маці неспадзявана для самой сябе ўліваецца ў рух актывістак за права голасу для жанчын у Швейцарыі, лёс якога мае вызначыць рэферэндум 1971 года.
Пасля прагляда фільма абмяркуйма уражанні! Прыхапіце смаколікі да гарбаткі!
Удзел бясплатны, рэгіструйцеся па спасылцы.
