Клуб гісторыі Мінска запрашае на сустрэчу
20.04.2016
19:00 - 19:00
Галерэя TUT.BY (праспект Дзяржынскага, 57, 9 паверх)
Уваход вольны
Ужо ў гэтую сераду можна даведацца аб гісторыі мінскіх спартыўных аб’ектаў, акунуцца ў атмасферу алімпіяды 1980-га і паразважаць над лёсам стадыёна “Дынама”
Апошнія 50 год у гісторыі Мінска адзначыліся шэрагам буйных і яркіх падзей. Большасць з іх насілі лакальны характар, а праз некаторыя аб Мінску сталі гаварыць далёка за межамі Беларусі.
Не так даўно кожны мінчук воляй-няволяй быў сведкам чэмпіянату свету па хакею. Гэта падзея змяніла не толькі архітэктурны воблік сталіцы, але і пэўным чынам паўплывала на змену жыццёвага рытму гараджан.
Падобная спартовая феерыя, якая пакінула свой яркі след у гісторыі Мінска – гэта алімпійскія гульні 1980. Галоўным цэнтрам падзей была, безумоўна, Масква, але і сталіца БССР таксама не засталася па-за ценем. Пад гэтую справу ў сталіцы БССР узнікла шмат новых аб’ектаў інфраструктуры (прынамсі рэканструяваны гатэлі, пабудаваны грамадскія прыбіральні), на некалькі тыдняў змяніўся лад жыцця, колькасць і якасць тавараў ў крамах павялічылася ў разы. Дарэчы, менавіта да гэтай даты быў адкрыты першы за пасляваенны час касцёл. Чаму менавіта ў гэты час – будзем разбірацца разам.
Таксама пагаворым пра спартыўныя аб’екты горада, якія ўзніклі ў пачатку ХХ стагоддзя, даваенныя часы, разглядзім лёс самага знакавага для мінскага спорту аб’екта – стадыёна “Дынама”, разбярэмся, якія ж таямніцы крые гэты знакавы помнік.
Галоўны выступоўца – гісторык, краязнаўца – Іван Сацукевіч.
Запрашаем ахвочых а 19-й (у сераду), 20 красавіка, у Галерэю TUT.BY (ст. м. «Міхалова», праспект Дзяржынскага, 57, 9 паверх). Уваход вольны!
