Гарадскі квэст "Род князёў Агінскіх" у Вільні
06.12.2025
14:00 - 15:00
Званіца Кафедральнага сабора (на Катэдральнай плошчы)
Бясплатна
У суботу, 6 снежня, беларусаў Вільні клічуць на гарадскі квэст "Род князёў Агінскіх" да 260-гадовага юбілеб Міхала Клеафаса Агінскага – дыпламата, палітыка, мецэната і аўтара легендарных паланэзаў.
Яго жыццё – гэта суцэльныя таямніцы. Нават дагэтуль даследчыкі спрачаюцца пра дату і месца яго нараджэння.
Падчас квэста вы знойдзеце мясціны, звязаныя з Агінскімі, даведаецеся пра паходжанне роду, выбітных яго прадстаўнікоў, каханне і розныя авантуры, а таксама пачуеце фрагмент паланэза.
А пасля квэста далучайцеся да вечарыны з адмысловым госцем і канцэртам-лекцыяй пра Агінскага.
Каб прыняць удзел, трэба:
1 Сабраць каманду ад 1 да 6 чалавек, выбраць назву і кіраўніка. Ён мусіць зарэгістраваць каманду па спасылцы ўнізе.
Калі вы без каманды - таксама рэгіструйцеся, можна будзе далучыцца да іншых або прайсці квэст самастойна.
2 Добра зарадзіць тэлефон і ўключыць мабільны інтэрнэт. Гугліць не толькі можна, але і трэба.
Усе ўдзельнікі атрымаюць сувеніры, а пераможцы - адмысловыя падарункі!
Удзел бясплатны. Рэгіструйцеся па спасылцы да канца пятніцы 5 снежня.
