Круглы стол «Фармаванне грамадзянскай супольнасці ў Беларусі і польскі вопыт трансфармацыі» ва Уроцлаве

У пятніцу, трэцяга кастрычніка, ва Уроцлаве адбудзецца польска-беларускі навукова-практычны круглы стол «Фармаванне грамадзянскай супольнасці ў Беларусі і польскі вопыт трансфармацыі». 

 Як беларусам будаваць грамадзянскую супольнасць ва ўмовах рэпрэсій і вымушанай эміграцыі? 

Якія ўрокі можна ўзяць з польскага досведу трансфармацыі пасля 1989 года? 

У цэнтры дыскусіі — адукацыя, незалежныя арганізацыі, медыя і мясцовыя супольнасці як аснова дэмакратычных перамен. 

Асобная ўвага будзе нададзеная таксама польскаму досведу інстытуцыйных рэформаў і магчымасцям іх адаптацыі да беларускіх рэаліяў. 

Удзел бяруць беларускія даследчыкі Андрэй Вардамацкі, Ірына Сідорская, Лана Руднік, Сцяпан Захаркевіч і інш. 

У праграме сярод іншага — дыскусіі: 

 «Беларуская дыяспара ў Польшчы пасля 2020 года: грамадзянская адукацыя, нацыянальная ідэнтычнасць і геапалітычныя арыентацыі» 

 «Беларуская грамадзянская супольнасць: урокі, стратэгіі і будучыня. Як падтрымліваць актывістаў і будаваць транснацыянальныя сеткі, нягледзячы на ​​рэпрэсіі?» 


Мовы мерапрыемства — беларуская і польская. Праграму цалкам глядзіце па спасылцы.