У ноч з 25-га на 26-га чэрвеня беларусы Тбілісі святкуюць Купалле на беразе Тбіліскага мора.
Дата: з 25-га на 26-га чэрвеня
Час: з 16.00 (час мясцовы)
Месца: Тбіліскае мора (дакладнае месца будзе даслана ўдзльнікам асабіста), Тбілісі
Падрыхтоўка распачнецца бліжэй да вечара ў суботу. Абрад пачнецца з захадам сонца, а скончыцца на яго ўзыходзе агульным сняданкам.
У Купальскую ноч вас чакаюць карагоды, гульні, танцы і, канешне ж, спевы. Увесь абрад суправаджаецца адпаведнымі спевамі.
Таксама будуць частаваць традыцыйнымі купальскімі крупнікам і сырам. Хлапцоў просяць захапіць з сабой па бутэльцы гарэлкі на крупнік, а дзяўчат — тварог і/ці малако на сыр.
Раяць узяць таксама цёплую вопратку і ўласны шматразовы кубак. Абутак лепш абіраць закрыты — навокал шмат калючак.
Рэгістрацыя і падрабязнасці па спасылцы.
