Філіял Веткаўскага музея ў Гомелі, ужо традыцыйна, запрашае вечар пятніцы 8 красавіка правесці ў добрай кампаніі на куратарскай экскурсіі. Гэтым разам — па выставе «РЭЗЧЫК».
Дата: 8 красавіка
Час: 18.00
Месца: філіял Веткаўскага музея, плошча Леніна, 4а, Гомель
Кастылёў Пётр, якому прысвечана новая выстава, быў майстрам-кіотнікам. Ён рабіў разныя рамы на іконы, выразаў вялізныя іканастасы для храмаў, дапамагаў з іх рамонтам і рэстаўрацыяй.
Каб больш яскрава раскрыць асобу майстра-кіётніка, раскажуць і пра стараабрадніцкую слабаду Радуль, у якой нарадзіўся Пётр Іванавіч: яе заснаванне, гісторыю і развіццё.
Лектар — Аляксандр Нікіцін, старшы навуковы супрацоўнік Веткаўскага музея.
Кошт удзелу — 2 рублі.
