Лекцыя Аліны Дзеравянка «Як сучаснае мастацтва актуалізуе спадчыну? Кейсы ў свеце і Беларусі» ў Вільні і анлайн
20.03.2024
18:30 - 20:00
------------
Бясплатнае
У сераду, 20 сакавіка, праект culture makes запрашае на адкрытую лекцыю Аліны Дзеравянка «Як сучаснае мастацтва актуалізуе спадчыну? Кейсы ў свеце і Беларусі».
Дата: 20 сакавіка
Час: 18.30 (час віленскі EET, гэта 19.30 па Мінску і 17.30 па Варшаве)
Месца: паведамяць па рэгістрацыі, Вільня, а таксама ZOOM Магчымы і анлайн-удзел.
Сучаснае мастацтва актуалізуе спадчыну, дадае новыя кантэксты і надае ёй адметнасці. Гэта не толькі камяні і таблічкі «ахоўваецца дзяржавай», але і тое, што супольнасць ці група вызначае як вартае і каштоўнае для захавання і спрабуе, часам без дапамогі, зберагчы і абараніць.
Мастакі становяцца аднымі з лідараў гэтых працэссаў, бо адчуваюць, што ёсць важным і вартым у нашай рэчаіснасці. На лекцыі вы даведаецеся, як сучаснае мастацтва працуе са спадчынай, ствараючы і аднаўляючы тое, што часам нам здаецца нявартым увагі.
Зараз ўсе больш арт-праектаў датычыцца лакальнай ідэнтычнасці, візуальнай гісторыі супольнасцяў ці актуалізацыі нябачнай спадчыны.
Спадарыня Аліна запрашае ўсіх на адкрытую дыскусію. Падзяліцеся сваімі пытаннямі, выкажаце сваё меркаванне і абмяркуйце тэму з лектаркай і іншымі ўдзельнікамі.
Працоўная мова — беларуская.
Лектарка — Аліна Дзеравянка, менеджарка культурных праектаў, лектарка, экс-дырэктарка Фонда развіцця Брэсцкай крэпасці.
Уваход вольны. Запісвайцеся па
спасылцы.
