У сераду, 15 траўня, гісторык Аляксандра Валодзіна чытае ў лекторыі «Фрэскі» другую лекцыю з цыклу «Сярэднявечныя ерасі ў Хрысціянстве».
Дата: 15 траўня
Час: 18.30
Месца: вул. Кісялёва, 38 (1 паверх), Мінск
Тэма — «Пакаранне ерэтыкоў і яго легітымізацыя — як абгрунтаваць спаленне жыўцом і спіхнуць адказнасць на саму ахвяру?»
Заканадаўчая база антыерэтычных працэсаў фарміруецца толькі напрыканцы ХІІ стагоддзя, але іх пераслед па факту пачаўся на 200 гадоў раней.
Якімі ж прынцыпамі кіраваліся царкоўныя аўтары?
Вы даведаецеся:
Як ерэтыкі былі сімвалічна звязаныя з Іўдам?
Які самы страшны грэх малявалі на сцэнах Страшнага Суда — прамое ўключэнне з Рыма!
Што страшней — выдумаць ерэтычнае вучэнне самому ці паслухацца д’ябла?
Як чытэрнуць на Божым судзе?
Разгледзяць некалькі прыкладаў прымянення статыстычных метадаў у гістарычнай навуцы: карэляцыйны аналіз на малых выбарках. Нумар выканананы прафесійнымі каскадзёрамі, просьба не паўтараць у хатніх умовах!
Лектарка — Аляксандра Валодзіна, кандыдатка гістарычных навук, спецыялістка па гісторыі сярэднявечных ерасей.
Кошт — 17 рублёў.
Месцаў абмежавана, таму запісвайцеся па спасылцы.
