7 красавіка ў Беларускім Доме ў Варшаве адбудзецца чарговая лекцыя Вячаслава Сіўчыка пра найноўшую гісторыю Беларусі. Гэтым разам гаворка пойдзе пра сярэдзіну дзевяностых: выбары, рэферэндум, першыя рэпрэсіі.
Дата: 7 красавіка
Час: 18.00 (час мясцовы)
Месца: Беларускі Дом, ul. Kryniczna 6, Варшава
Падчас лекцыі спадар Вячаслаў распавядзе аб тым, як праходзіў збор подпісаў за рэферэндум па роспуску вярхоўнай рады 12 склікання, пра антыімперскія акцыі ў Мінску. Акрамя гэтага ён раскажа пра першыя прэзідэнцкія выбары пасля распаду СССР і рэферэндум у 1995 годзе, а таксама пра першых палітвязняў, сярод якіх быў ён сам.
Вячаслаў Сіўчык — беларускі грамадскі і палітычны дзеяч, лідар руху салідарнасці «Разам».
Для ўдзелу неабходна зарэгістравацца па спасылцы.
