Літаратура Мінск
Канец: 07.12 (21:00)
кнігарня-кавярня «Marks»
ПАДЗЕЯ ДНЯ: Лекцыя пра літаратурныя падарожжы беларусак у Мінску
Пачатак: 07.12 (19:00)Канец: 07.12 (21:00)
кнігарня-кавярня «Marks»
(Мінск, вул. К. Маркса, 11)
Кошт: данат
7 снежня завітайце ў кнігарню-кавярню «Marks», каб здзейсніць літаратурнае падарожжа па слядах знакамітых беларусак — тут будзе лекцыя Ганны Багданавай.
Дата: 7 снежня
Час: 19.00
Месца: кнігарня-кавярня «Marks», вул. К. Маркса, 11, Мінск
Аповед пачнецца з насычанага падарожжа па Стамбуле разам з Саламеяй Русецкай, аўтаркай прыгодніцкага рамана «Авантуры майго жыцця». Гэтая смелая лэдзі ў 18 стагоддзі аб’ехала паў-Еўропы, перажыла мноства прыгод і знайшла сваё шчасце ў Стамбуле.
Далей паглыбімся ў 19 стагоддзе і яўрэйскае традыцыйнае жыццё на тэрыторыі былога ВКЛ у кампаніі Паліны Венгеравай (народжанай Песяй Эпштэйн). Яна заспела знос старога горада Брэста і перасяленне яго жыхароў, а пасля замужжа пераехала ў Канатоп, суправаджала мужа ў яго працоўных вандроўках, пакуль нарэшце не асела разам з ім у Мінску.
У завяршэнні адправімся разам з Алаізай Пашкевіч (Цёткай) на цягніку ў Фінляндыю. Менавіта яна ў пачатку 20 стагоддзя была адной з пачынальніц жанру дарожных нататак. Паездка ў Фінляндыю натхніла пісьменніцу на напісанне нататак «Успаміны з паездкі ў Фінляндыю», у іх Цётка ўзняла актуальную тэму — Беларусь у свеце і свет для Беларусі.
Вітаюць данаты камфортнай для вас сумы. І не забудзьцеся зарэгістравацца па спасылцы.
