У чацвер, 25 красавіка, у галерэі Савіцкага — лекцыя пра кнігу Казіміра Сямёнавіча «Вялікае мастацтва артылерыі».
Дата: 25 красавіка
Час: 18.30
Месца: галерэя Савіцкага, пл. Свабоды, 15, Мінск
Ваенны інжынер, тэарэтык і практык артылерыі, Казімір Семяновіч лічыцца аўтарам прататыпа шматступеннай ракеты — вынаходніцтва, якое заклала асновы ракетнай тэхнікі і наблізіла чалавецтва да магчымасці пілатуемага касмічнага палёту.
Вы даведаецеся пра асобу і дзейнасць Казіміра Семяновіча, пра асаблівасці і значнасці яго навуковай працы, пра факсімільнае выданне «Вялікага мастацтва артылерыі», якое ўбачыла свет сёлета і дэманструецца на выставе.
Лектар — Філіп Падбярозкін, кандыдат гістарычных навук, дацэнт, старшы навуковы супрацоўнік Цэнтра даследаванняў старадрукаў і рукапісаў Цэнтральнай навуковай бібліятэкі ім. Якуба Коласа НАН Беларусі.
Уваход — па квітку ў галерэю.
