У аўторак, 23 студзеня, дацэнт ЕГУ і кіраўнік ICOMOS-Беларусь Сцяпан Стурэйка чытае ў Вільні лекцыю «Не горш за Літву і Польшчу: гісторыя захавання гістарычных цэнтраў беларускіх гарадоў».
Дата: 23 студзеня
Час: 18.30 (час мясцовы)
Месца: CreateCulture Space, Karmelitų gatvė 5, Вільня
Гэта новая сустрэча з цыклу, прысвечанага гісторыі захавання культурнай спадчыны Беларусі.
У Савецкім Саюзе не дбалі пра захаванне гістарычных цэнтраў, а толькі іх знішчалі. Гэта — стэрэатып!
Насамрэч, адначасова са знішчэннем ішла барацьба за захаванне, часта паспяховая.
Але як менавіта іх захоўвалі?
І як расчытаць сляды захавання ў сучасных Гродна, Віцебску, Полацку і Мінску?
Якія самыя гарачыя дыскусіі адбываліся, і пры чым тут Машэраў?
Падчас лекцыі ўзгадаюць імёны і падзеі, дасягненні і расчараванні, а таксама паспрабуюць зразумець феномен: як за дваццаць гадоў напярэдадні незалежнасці беларусы здолелі перамагчы мадэрнізм і пачаць павяртаць гістарычнае аблічча гарадоў.
Уваход — free donation. Рэгіструйцеся па спасылцы.
