У чацвер, 31 кастрычніка, этнолаг, кандыдат гістарычных навук Сяргей Грунтоў чытае ў Гомелі лекцыю «Восеньскія дні вяртання памерлых у беларускай культуры».
Дата: 31 кастрычніка
Час: 18.00
Месца: адкрытая бібліятэка «Чытай-Хатка», вул. Кастрычніка, 29 (3 паверх), Гомель
Як верылі на Беларусі, ў гэты перыяд продкі вяртаюцца да жывых. Восеньскія дні вяртання памерлых мелі вялікае значэнне ў традыцыйнай культуры беларусаў і працягваюць шырока адзначацца і зараз.
На лекцыі разгледзяць значэнне гэтых дзён як для даўняй, так і для сучаснай культуры беларусаў усіх хрысціянскіх канфесій.
Асобную ўвагу звернуць на тое, што адбываецца з гэтымі святамі сёння, якія яны перажываюць культурныя ўплывы і якія змены іх значэння для будучых пакаленняў можна прадбачыць ужо сёння.
Уваход вольны.
