Літаратурна-мастацкая сустрэча “У краіне маленства…”
Пачатак: 01.06 (11:00)Канец: 01.06 (11:00)
Дзяржаўны музей гісторыі беларускай літаратуры
У Міжнародны дзень абароны дзяцей Дзяржаўны музей гісторыі беларускай літаратуры запрашае на мерапрыемства “У краіне маленства…”, прысвечанае адкрыццю выставы твораў навучэнцаў Мастацкай майстэрні жывапісу, малюнка і кампазіцыі Уладзіміра Сайко.
Мерапрыемства адбудзецца 1 чэрвеня 2017 года ў 11.00 у будынку Дзяржаўнага музея гісторыі беларускай літаратуры.
На выставе прадстаўлены творы жывапісу пачынаючых мастакоў, якія з’яўляюцца вучнямі мастака-баталіста, педагога Уладзіміра Сайко. На выставе прадстаўлены палотны маладых жывапісцаў, напісаныя падчас пленэраў на прыродзе.
Маленькія наведвальнікі выставы змогуць прыняць удзел у цікавай тэматычнай гульні “Подых лета” і адчуць сябе сапраўднымі мастакамі, малюючы лета ў вершах беларускіх пісьменнікаў.
У мерапрыемстве возьмуць удзел кіраўнік Мастацкай майстэрні жывапісу Уладзімір Сайко, літаратуразнаўца Вячаслаў Рагойша, пісьменнік Віктар Шніп.
Усіх прысутных чакае летні настрой і прыемная атмасфера!
Месца правядзення: Дзяржаўны музей гісторыі беларускай літаратуры
(вул. М. Багдановіча, 13)
Кантактны тэлефон: (017) 334-56-21.
Куратар мерапрыемства:
малодшы навуковы супрацоўнік Яна Кнурэва
