Літаратура Гданьск
Канец: 06.06 (19:00)
Gdańsk Miasto Literatury
Літаратурнае падарожжа з Андрэем Хадановічам, Васілём Быкавым і Уладзімірам Караткевічам у Гданьску
Пачатак: 06.06 (17:00)Канец: 06.06 (19:00)
Gdańsk Miasto Literatury
(Гданьск, Długa 35)
У аўторак, 6 чэрвеня, у Гданьску — новае літаратурнае падарожжа з Андрэем Хадановічам. Гэтым разам — «Неба з сабой, або Доўгая дарога дадому»: пра Васіля Быкава і Уладзіміра Караткевіча.
Дата: 6 чэрвеня
Час: 17.00 (час мясцовы)
Месца: Gdańsk Miasto Literatury, Długa 35, Гданьск
Чаму Васіль Быкаў быў найвядомейшым беларускім аўтарам у свеце, а Уладзімір Караткевіч — найулюбёнейшым пісьменнікам у саміх беларусаў?
Як літаратары змагаліся з цэнзурай, а цэнзура — з імі?
Ці лёгка выславіць ваенную «праўду»: беларускі экзістэнцыялізм па-быкаўску?
Чаму «пасьля цяжкай вайны непазьбежны і цяжкі мір», а «нацызм і камунізм ёсьць два канцы адной палкі»?
Улада страху і перамога над ім у творах пісьменнікаў. Ці можна перамагчы смерць у шахматы? («Ладдзя Роспачы» і фільм Інгмара Бергмана «Сёмая пячатка».)
Пра што насамрэч найвядомейшая цытата «Чалавек носіць сваё неба з сабой» і чаму яе ўвесь час памылкова цытуюць?
Удачы і правалы: экранізацыі Быкава і Караткевіча. Чаму патрэбная новая опера «Дзікае паляванне караля Стаха»?
Прыходзьце даведацца!
Падарожжа будзе па-беларуску з перакладам на польскую мову.
Уваход вольны.
