Local Heroes #2 w/ Менскі Персанаж
22.03.2019
20:00 - 20:00
Post Bar (вул. Ракаўская, 20)
Уваход вольны
22 сакавіка, роўна праз месяц пасля запуску серыі прэпаці-вечарынак Local Heroes, Radio Plato разам з Post Bar і BIERBANK вяртаецца з наступнай тусай.
DJs:
МЕНСКІ ПЕРСАНАЖ
STEREOBEAVER
KORNEJ
22 сакавіка, 20:00
Post Bar (вул. Ракаўская, 20, Менск)
Уваход вольны
________________
На гэты раз мы вырашылі залічыць у героі таямнічага Менскага Персанажа. Накідаем некалькі падказак, хто гэта. Без яго не праходзілі самыя лютыя вечарынкі ў «Малацэ». У яго дома вініл ужо выглядвае з фортачкі, таму прыйшлося разам з сябрамі адкрыць вінілавы шоп і кам’юніці Delay Sound System. Каб мясцовыя тубыльцы зусім не стамляліся піць свае флэт-ўайты, робіць серыю вечарынак Дорогая редакция, якая кожны раз расхінае паняцце нормы нават у самых прагрэсіўных менчукоў. І меней вядомы факт: ён менеджэрыць канцэрты беларускага супергурта Super Besse. Гес хуз бэк? Оф корз, ітз Zakhar Shlimakov! Супорт Захару акажуць рэзідэнты «Плато» Stereobeaver і KorneJ.
_______________
Што такое Local Heroes?
Local Heroes – пра культуру прэпаці. З аднаго боку, не ўсім падабаецца тусавацца глыбокай ноччу, а таньчыць пад дзіджэй-сэты хочацца. З другога – некаторым проста неабходна расчахліць выходныя параней. Таму нашыя тусоўкі будуць стартаваць а 20:00.
Local Heroes – пра культуру эдзітаў і альтэрнаціў-дэнс гучанне. Нас цікавіць тая дэмакратычная кропка, дзе грув крыжуецца з нью-вэйвам і электронікай.
Local Heroes – пра мясцовую культуру. Нас цікавяць героі, якія існуюць побач і робяць не менш крутыя рэчы, чым героі наводдаль.
Увесь дзвіж падтрымлівае лакальны бровар Bierbank, гатункі якога ты можаш пакаштаваць у Post Bar. Калі ты не маеш магчымасці прыйсці, уключай Radio Plato – уся туса будзе транслявацца там.
