25 лістапада (серада) праект праект «Еўрапейскае кафэ – адкрытая прастора Еўропы» запрашае на лекцыю Ірыны Жарэбкінай
«Ці магчымая фемінісцкая салідарнасць на постсавецкай прасторы?»
Ці магчымая сёння, праз больш як дваццаць гадоў пасля распаду СССР, фемінісцкая салідарнасць? Менавіта за кошт салідарнасці фемінізм калісьці і зрабіўся рэальнасцю ў познім СССР, калі ў канцы 1970-х вакол фемінісцкага часопіса «Марыя» сфармавалася група актывістак. Салідарнасць была таксама галоўнай умовай узнікнення транснацыянальных фемінісцкіх праектаў пасля распаду СССР.
Вопыт сучаснага ўкраінскага фемінізму, у якім на фоне ваенных дзеянняў паўсталі розныя лініі расколу (уключаючы ЛГБТ-сепаратызм), зноў вяртае нас да неабходнасці салідарнасці.
У ходзе лекцыі, акрамя аналізу сучаснага ўкраінскага фемінізму, будзе прапанаваны адказ на асноўнае пытанне: ці магчыма зноў адшукаць вымярэнне салідарнасці ў сучасных фемінісцкіх практыках? Калі не (ці так), то на якіх філасофскіх падставах?
Пасля лекцыі адбудзецца дыскусія. Мадэратар дыскусіі: Вольга Шпарага.
Пра лектара:
Ірына Жарэбкіна – доктар філасофскіх навук, прафесар Харкаўскага нацыянальнага ўніверсітэта ім. В.М. Каразіна, галоўная рэдактарка часопіса «Гендарныя даследаванні» (з 1998 г.), дырэктарка Харкаўскага цэнтра гендарных даследаванняў (з 1994 г.), дырэктарка Інстытута міжнародных летніх школ па гендарных даследаваннях у Фаросе (1997–2009).
Сферы даследчых інтарэсаў: прымяненне сучасных заходніх фемінісцкіх і гендарных тэорый для аналізу культурнай антрапалогіі дасавецкіх, савецкіх і постсавецкіх грамадстваў; тэорыі суб’ектыўнасці ў сучаснай заходняй філасофіі (С. Жыжэк, А. Бадзью, Ж. Рансьер, Дж. Агамбэн); культурныя даследаванні і «новыя культурныя даследаванні»; постмарксісцкі дыскурс-аналіз (Эсэкская школа) і магчымасці яго прымянення для аналізу постсавецкіх грамадстваў.
Уваход вольны!
Мерапрыемства ў Facebook
