28 траўня філіял Веткаўскага музея ў Гомелі ладзіць майстар-клас па лепцы з гліны. Прапануюць зляпіць посуд і ўпрыгожванні па матывах неаліту.
Дата: 28 траўня
Час: 11.00
Месца: філіял Веткаўскага музея, плошча Леніна, 4а, Гомель
Усе матэрыялы прадастаўляюцца музеем. Пры жаданні, свой выраб можна абпаліць у спецыяльнай печы — гэта каштуе 2,50 рублі.
Пажадана ўзяць з сабой спецыяльны мастацкі фартух або зменнае адзенне, якое не шкада выпацкаць, і заколкі / гумку, калі ў вас доўгія валасы.
Па заканчэнні майстар-класа важна будзе сфатаграфаваць свой выраб або зрабіць з ім сэлфі — каб пасля па памылцы не забраць чужую працу.
Дзеці да 7 гадоў могуць удзельнічаць у майстар-класе толькі ў суправаджэнні дарослых.
Кошт удзелу — 10 рублёў.
Колькасць месцаў абмежавана, таму абавязковы папярэдні запіс па тэлефоне +375(232)509698 або ў каментарах пад абвесткай ад майстар-класе ў фэйсбуку.
