У суботу, 22 кастрычніка, слынная майстрыня выцінанкі, арт-тэрапеўтка Наталля Сухая ладзіць файны майстар-клас, на якім вы зможаце засвоіць гэтае няпростае майстэрства, выразаўшы сабе мілага коціка!
Дата: 22 кастрычніка
Час: з 15.00 да 17.00
Месца: галерэя «Малінавы кот», Дзяржынскага, 131, Мінск
Мастацтва выцінанкі ўключана ў спіс гісторыка-культурных каштоўнасцей Беларусі. Ва ўзор выцінанкі часта ўпляталіся гісторыі і сімвалы, важныя для роду. А яшчэ — дэталі, характэрныя для асобнага рэгіёна, па якіх «свае» даведваліся і знаходзілі адзін аднаго.
Вось што вас чакае:
спачатку вы паглыбіцеся ў беларускую традыцыйную культуру: спадарыня Наталля дасць ёмісты і вельмі цікавы экскурс у гісторыю выцінанкі;
засвоіце галоўныя прыёмы і тэхнікі выразання ўзору на паперы;
сваімі рукамі створыце карункавы партрэт катка пад далікатным кіраўніцтвам спадарыні Наталлі.
Кошт майстар-класа — 35 рублёў. У яго ўжо ўваходзяць усе неабходныя матэрыялы.
Каб запісацца на майстар-клас, неабходна зрабіць перадаплату 15 рублёў на сайце галерэі па спасылцы.
