У арт-прасторы «Талстога, 7» пачала працу мемарыяльная выстава графікі полацкай мастачкі Кацярыны Мясніковай «Кветкі з нябёсаў».
Дата: па 19 траўня
Месца: арт-прастора «Талстога, 7», вул. Талстога, 7, Віцебск
Спадарыня Кацярына працавала пераважна ў тэхніцы пастэлі. На выставе можна пабачыць 28 работ апошніх пяці гадоў жыцця.
Кацярына Мяснікова (1981 — 2023) — выпускніца мастацка-графічнага факультэта ўніверсітэта імя Машэрава.
З 2005 па 2014 год яна была куратаркай і арганізатаркай шматлікіх мастацкіх праектаў і маладзёжных пленэраў «У пошуках Атлантыды», якія збіралі вядомых беларускіх мастакоў і маладых творцаў разам і дазволілі шмат каму з моладзі вызначыцца з уласным стылем і аўтарскім бачаннем у творчасці.
Афіцыйнае адкрыццё выставы адбудзецца 4 красавіка а 16-й гадзіне.
Працуе выстава па 19 траўня.
