Моўныя гулі да Дня роднай мовы ў Мінску

21.02.2024 19:00 - 21:00 музей Максіма Багдановіча (вул. Багдановіча, 7а) Бясплатнае

У сераду, 21 лютага, у музеі Максіма Багдановіча ладзяць «Моўныя гулі» — несур’ёзныя спаборніцтвы да Дня роднай мовы.

Дата: 21 лютага

Час: 19.00 (час мясцовы)

Месца: музей Максіма Багдановіча, вул. Багдановіча, 7а, Мінск

Якім чынам самы малады класік нашай літаратуры засвоіў беларускую — застаецца таямніцай. Ці не забыліся на беларускую мову мы — таксама не зразумела.

Супрацоўнікі музея прапануюць разам пашукаць адказы на першае пытанне і зладзіць іспыт па другім.

Каламбуры, загадкі, рэбусы, анаграмы — якіх толькі забавак не прыдумлялі з выкарыстаннем слова.

Крыху ведаў, кемлівасці, ініцыятывы, удачы — і вы зможаце справіцца з нашымі дураслівымі, але вельмі сур’ёзнымі заданнямі.

Удзельнікаў чакаюць сувеніры ад музея Максіма Багдановіча і кнігі ад грамадскай ініцыятывы «БЕЛГІПС».

Узрост удзельнікаў — ад 9 да 99 гадоў.

Квіткі — 8 рублёў дарослым, 4 рублі навучэнцам.

дадаць у google каляндар

Вам можа быць цікава