18 сакавіка ў Лондане адбудзецца паказ монаспектакля «Pass the hat» беларускага акцёра Уладзіміра Шчэрбаня.
Дата: 18 сакавіка
Час: 19.30 (час мясцовы)
Месца: Stone Nest, 136 Shaftesbury avenue, Лондан
«Pass the hat» — гэта сапраўдная і вельмі асабістая гісторыя рэжысёра Олівера Бенета, які дзеля цікаўнасці вырашыў высветліць асобу свайго сваяка, але нават і ўявіць не мог, да чаго гэта прывядзе.
Расследаванне аказалася галавакружным падарожжам у часе і прасторы: сустрэчай з зоркай Лестэр сквер, легендарным вулічным артыстам Генры Холісам, арыштаваным больш за пяцьсот разоў; зносінамі з гангстарамі і іншымі насельнікамі Соха 70-х і нават чальцамі каралеўскай сям’і, якіх вы выдатна ведаеце.
Вас чакае віртуозная гульня на лыжках, запальная чачотка і самае галоўнае — спектакль даступны ўсім і кожнаму. Трэба толькі зарэзерваваць месца па спасылцы, а па заканчэнні спектакля гледачы самі вырашаюць як аддзячыць акцёру.
