«Мова-Нанова-Баранавічы»: «Мова неглюбскіх узораў»
Пачатак: 10.02 (19:00)«Мова неглюбскіх узораў» — абмеркаваць такую тэму ў анлайн запрашаюць ужо сёння, 10 лютага, прадстаўнікі баранавіцкіх курсаў «Мова-Нанова». У якасці госці завітае супрацоўніца Веткаўскага музея стараабрадніцтва і беларускіх традыцый Ірына Юдзіна, — распавяла вядоўца Ганна Ліцкевіч:
— Будзем размаўляць мы і пра музей, але ж асаблівую ўвагу мы звернем на тэхніку ткацтва Неглюбкі, якая прызнаная нематэрыяльнай спадчынай Беларусі. І таксама паразмаўляем больш пра ручнікі. Неяк пра ручнікі Павел Севярынец напісаў, што яны з’яўляюцца нашым хатнім бел-чырвона-белым сцягам. Дык вось, звернем увагу на традыцыі, звязаныя з ручнікамі. А таксама пагутарым пра іх ролю ў жыцці беларусаў і пра іх сімвалізм.
Атрымаць спасылку на ўдзел у мерапрыемстве можна праз тэлеграм-канал баранавіцкай «Мова-Нанова». Папярэдняя рэгістрацыя абавязковая.
