У чацвер, 29 снежня, у Мастацкім музеі — канцэрт «Барока і фольк на Каляды» студэнцкага хору Акадэміі музыкі пад кіраўніцтвам Інэсы Бадзякі.
Дата: 29 снежня
Час: 19.00
Месца: Нацыянальны мастацкі музей, вул. Леніна, 20, Мінск
Абяцаюць харавыя творы эпохі барока, апрацоўкі народных песень і калядкі. Упершыню ў Беларусі прагучыць дзевяцігалосны матэт Crucifixus Surrexit Андрэя Рагачэўскага, або Андрэя з Рагачова, прыдворнага кампазітара і арганіста Альберта Станіслава Радзівіла, які ў XVII стагоддзі працаваў у Алыцы і Нясвіжы.
Яшчэ адна прэм’ера — цыкл «Вячэрні» выдатнага кампазітара, аднаго з прадстаўнікоў Віленскай партэснай школы Тамаша Шавяроўскага. Дакладная дата яго нараджэння пакуль не вядома, памёр ён у 1699 г.
Уваход — па квітку ў музей.
