закрыць
Гродна Іншае

На бульвары Гедыміна пасяліўся ягоны гаспадар: адкрыццё мурала і размова пра стрыт-арт

28.12.2017 18:30 - 18:30 Ga11ery (г. Ліда, б-р Гедыміна, 12) Уваход вольны

Нагодай сабрацца ў апошнія дні старога году стане адкрыццё мурала ў дворыку Ga11ery, што на бульвары Гедыміна. Тут з’явіўся малюнак са славутым князем Вялікага княства Літоўскага, у чый гонар названы бульвар.

Абмінуць увагай такую падзею аніяк нельга, таму запрашаем гараджан з карысцю для розуму і душы правесці вечар ва ўтульнай галерэі. Размова будзе складацца з двух частак.

Гаспадар галерэі Павал Мацылевіч і мастак, аўтар мурала Сяргей Русак раскажуць, як з’явілася ідэя зрабіць малюнак з князем, як быў абраны сюжэт, хто дапамог рэалізаваць задуму і што будзе далей. У будучыні тут павінен з’явіцца арт-дворык “ZADVORAK”!

У другой частцы да спікераў далучыцца госця з Мінска – стваральніца і куратарка фестывалю вулічнага мастацтва Vulica Brasil Міла Котка. Дзякуючы Міле на Кастрычніцкай вуліцы і яшчэ ў некаторых лакацыях гараджане штодзень праходзяць праз прыгожыя рознакаляровыя малюнкі на сценах дамоў. Як расфарбаваныя вуліцы ўплываюць на настрой і думкі жыхароў? Ад каго залежыць, каб у горадзе з’яўляліся добрыя муралы?

Навошта гораду стрыт-арт? І давайце, нарэшце, вызначымся з паняццямі: стрыт-арт, мурал, графіці, манументальнае мастацтва ці штосьці іншае?..

Запрашаем усіх цікаўных пагутарыць пра гэта 28 снежня а 18:30 у Ga11ery (б-р Гедыміна, 12)!

дадаць у google каляндар

Вам можа быць цікава

Выстава «Рэстаўрацыйная майстэрня» ў Віцебску

25.04.2025 11:00 - 31.08.2025 18:00 мастацкі музей (вул. Леніна, 32)
Віцебск Выставы

Паша Крывец у Варшаве

12.07.2025 (19:00 - 21:00) stand up lokal (Noakowskiego 16)
Варшава Канцэрты

Renaissance Party ў Мінску

13.07.2025 (12:00 - 21:00) Нацыянальны цэнтр сучасных мастацтваў (пр-т Незалежнасці, 47)
Мінск Выставы Іншае Вечарыны

Апошняе
на Budzma.org

чытаць яшчэ

Папулярнае

чытаць яшчэ

Важнае пра нас

© 2008-2025, Budzma.org