«Ноч барсукоў» у Прыпяцкім нацпарку
16.07.2022
13:30 - 23:00
Нацыянальны парк «Прыпяцкі» (Гомельская вобл.)
Бясплатнае
16 ліпеня Нацыянальны парк «Прыпяцкі» ладзіць «Ноч барсукоў».
Дата: 16 ліпеня
Час: з 13.30 да 23.00
Месца: в. Ляскавічы, Нацыянальны парк «Прыпяцкі», Гомельская вобл.
У праграме:
13:30-15:00 «Дзікая лекцыя» аб жыцці барсукоў, іх побыце, зносінах і паводзінах ад спецыяліста, які сочыць за барсукамі ўжо 3 гады і ведае шмат іх таямніц! Пакажуць самыя цікавыя запісы з фота-пастак. Уваход вольны, толькі патрэбны папярэдні запіс.
15:10-16:00 Экскурсія «Птушкі і звяры Палесся» ў Музеі прыроды. Удзел бясплатны, але патрэбны папярэдні запіс.
16:40-20:40 Экскурсія ў дзікую прыроду «У гасцях у барсука» да самага сапраўднага барсучынага месца. Вы ўбачыце на свае вочы, як уладкаваны барсучыны гарадок. прагуляецеся па высокіх узгорыстых пяшчаных выдмах, убачыце цудоўныя краявіды, вывучыце сляды жывёл.
Кошт экскурсіі: дарослыя — 23 рублі; дзеці ад 6 да 12 гадоў — 11 рублёў. Дадаткова аплачваецца экалагічны збор за наведванне прыродных тэрыторый Нацыянальнага парка — 5 рублёў. Дзеці да 18 гадоў экалагічны збор не аплочваюць.
Таксама патрэбны папярэдні запіс. Адпраўленне будзе ад Музея прыроды. Працягласць пешаходнага маршруту каля 5-6 км.
21:00-23:00 Вячорка каля вогнішча з грыль-меню, напоямі, забавамі, барсучыным майстар-класам і кіно пра барсукоў пад адкрытым небам. Уваход вольны. Харчаванне і напоі аплачваюцца асобна.
Вы можаце наведаць усе мерапрыемствы ці асобна любое па вашым жаданні.
Запісацца на «Ноч барсукоў» можна па нумарах +375 29 188 12 10 альбо +375 33 918 07 33.
