У Нацыянальным цэнтры сучаснага мастацтва — «Начныя сны пра Японію».
Дата: 20 траўня
Час: з 20.00 да 00.30
Месца: НЦСМ, пр-т Незалежнасці, 47, Мінск
Горад засынае, прачынаецца [японская] мафія і прывіды!
20:00-21:00 — Экскурсія ад арт-куратаркі Дзіны Даніловіч.
Адна з куратарак выставы японскай графікі Дзіна Даніловіч раскажа аб знакамітых японскіх майстрах і бліжэй пазнаёміць з беларускімі аўтарамі з экспазіцыі.
20:00-00:00 — Перфоманс па стварэнні скульптуры паводле гравюр Японіі ад Крысціны Анішчанкі.
Спадарыня Крысціна створыць скульптуру з гліны паводле гравюр Японіі прама на вачах гасцей вечара. Назірайце за працэсам лепкі, задавайце пытаннечкі і смела прыкладвайце свае пальцы і рукі да будучага тварэння.
20:00-20:20 / 20:30-20:50 / 21:00-21:20 / 21:30-21:50 — Арт-медытацыя са спеўнымі чашамі, японскай флейтай сякухаці і посахам дажджу — а яшчэ дэгустацыя гарбаты.
20:45-22:15 — Японскі сэт ад DJ Яdzik.
Паўтары гадзіны самай актуальнай японскай музыкі ў апрацоўцы DJ Яdzik дапамогуць пагрузіцца ў японскую культуру не толькі XIX стагоддзя.
22:00-23:00 — Майстар-клас «Каліграфічнае маляванне карпа які плоскім пяром» ад Леры Каплан. Карп Коі — сімвал поспеху і зацятасці ў дасягненні мэты. Карпы плывуць супраць плыні, таму гэтая рыбка ўвасабляе зацятасць і сілу. На майстар-класе вы намалюеце свайго ўсемагутнага карпа плоскім пяром.
22:30-23:30 — Лекцыя аб японскіх ёкаях, прывідах і духах ад Ірыны Лампе. Спадарыня Ірына падзеліцца сваёй топ-пяцёркай самых страшных і жахлівых дэманаў, злёгку класіфікуючы іх, а таксама раскажа, якімі бываюць духі і прывіды і каго варта палохацца.
23:00-00:00 — Лекцыя і майстар-клас «Кінцугі» ад Маргарыты Токаравай. Паслухайце лекцыю ад культуролага Маргарыты Токаравай аб японскай тэхніцы кінцугі і яе месцы ў філасофіі і мастацтве Японіі, выберыце элементы карцін і фатаграфій, якія вам здадуцца блізкімі, і стварыце унікальныя калажы, абапіраючыся на ідэю мастацтва кінцугі.
Таксама будзе:
Інтэрактыўны ART
Электронны квэст па выставе
Іммерсіўны фільм «Сны пра Японію»
Квіток — 20 рублёў.
