Літаратура Мінск

Падзвядзенне вынікаў конкурсу “А-LOVak”

Пачатак: 23.12 (19:00)
Канец: 23.12 (22:00)
бар “ДК”

(Мінск, вул. Талбухіна, 4)

Для тых, хто піша, але яшчэ хавае свае творы ў шуфлядзе пісьмовага стала, платформа  Litara-A арганізавала конкурс“А-LOVak”.

За два тыдні на конкурсную скрыню Litara-A прыйшло  136 твораў розных памераў, жанраў і стыляў. Але конкурс “А-LOVak” – гэта  не проста спаборніцтва маладых аўтараў, а магчымасць быць пачутым, зразумелым і, што вельмі важна, ацэненым прафесійным журы. Суддзі конкурса –  Андрэй Хадановіч, Альгерд Бахарэвіч, Віталь Рыжкоў, Глеб Лабадзенка і Ганна Комар абіралі лепшыя творы ў чатырох намінацыях: “Лепшы верш”, “Лепшы пераклад”, “Лепшы празаічны твор”, “Лепшае эсэ”.Журы выстаўлялі адзнакі па 10-бальнай шкале, ацэньваючы 2 параметры: змест і форму.

Балы падлічаны, пераможцы вызначаны, і Litara-A запрашае ўсіх на імпрэзу, зробленую з нагоды конкурса!
23-га снежня, 19.00, у бары “ДК” адбудзецца падзвядзенне вынікаў конкурсу “А-LOVak”. У праграме вечара:

• чытанне лепшых твораў,
• узнагароджванне пераможцаў,
• гульні і конкурсы,
• DJ Poise,
• цеплая творчая атмасфера.

Хай пераможа мастацтва!;)