Паэт Дзмітрый Строцаў у Берліне

01.07.2022 19:00 - 21:00 інстытут Пілецкага (Парызер Плац 4А) Бясплатнае

1 ліпеня ў Берлінскім інстытуце Пілецкага адбудзецца сустрэча з паэтам Дзмітрыем Строцавым.



Дата: 1 ліпеня

Час: 19.00 (час мясцовы)

Месца: інстытут Пілецкага, Парызер Плац 4А, Берлін


Дзмітрый Строцаў прэзентуе свае вершы, напісаныя ў 2008-2022 гадах і прысвечаныя ваеннай і палітычнай агрэсіі Расіі супраць іншых народаў.

Паэзія спадара Строцава зафіксавала праявы расійскага мілітарызму: напад на Грузію, акупацыю Крыма, напад на ўсход Украіны ў 2014 годзе, барацьбу з грамадзянскай супольнасцю ў Беларусі і вайну супраць Украіны.


Так вершы дакументуюць рэалізацыю расійскага «тэрытарыяльнага збору», накіраванага на аднаўленне савецкай імперыі.

У імпрэзе бяруць удзел таксама літаратары Андрэй Хадановіч, Наталля Бельчанка, Эндру Вэйхэ і Наталля Русецкая. Будзе чытанне на чатырох мовах — беларускай, украінскай, рускай, польскай і нямецкай, і тэксты складуцца ў адзіны шматмоўны наратыў.


Уваход вольны, але патрэбная рэгістрацыя па спасылцы.


Імпрэза ладзіцца ў межах беларускай праграмы Інстытута Пілецкага ў супрацоўніцтве з InBelKult 2.0 (Інстытут беларускай культуры ў Варшаве).




Вам можа быць цікава

Выстава «Акварэль. Варыяцыі» ў Мінску

24.07.2025 17:00 - 29.09.2025 19:00 Нацыянальны мастацкі музей (вул. Леніна, 20)

Кінасеансы пад жывую музыку «Нямая ліхаманка» ў Варшаве

14.08.2025 20:00 - 04.09.2025 22:00 дворык Музея Вольнай Беларусі (Foksal 11)

Васільковыя пленэры ў музеі-дачы Васіля Быкава пад Мінскам

07.09.2025 14:00 - 27.09.2025 17:00 музей-дача Васіля Быкава (вул. Дачная, 62)

Апошняе
на Budzma.org

чытаць яшчэ