Паэтка Наста Кудасава ў віртуальнай кавярні ЗНО
Пачатак: 05.05 (19:00)Канец: 05.05 (20:30)
анлайн
5 траўня віртуальная кавярня ЗНО Беларускага Калегіюма ладізць анлайн-сустрэчу з паэткай Настай Кудасавай.
Дата: 5 траўня
Час: 19.00 (час мінскі)
Месца: Zoom
Паэзія не апелюе да рацыянальнага, яна вяртае чалавека ва ўлонне першабытнай веды: ад збытку цывілізацыйных раскошаў да «рэчаў першай неабходнасці». Яна ўзнікае бы пакліканне якогасьці прыроднага інстынкту. Як птушкі ведаюць ад нараджэння свой шлях у вырай, так у нас убудаваная патрэба паэтычнага выказвання, бо яно здольнае арганізаваць чалавечы свет, вытлумачыць боль і падараваць спакой. Парадаксальна, але акурат праз паэтычнае слова мы набліжаемся да бясслоўя, да невымоўнага.
Пра моц і бяссілле паэзіі і пойдзе гутарка.
Мадэратарка — Ганна Севярынец.
Рэгістрацыя па спасылцы.
Трансляцыя размовы будзе весціся на youtube-канале Калегіюма.
