21 сакавіка, у Сусветны дзень паэзіі літаратурны музей Максіма Багдановіча запрашае на паэтычную лекцыю «Чаму я стаў паэтам...»

---

Дата: 21 сакавіка

Час: 19.00

Месца: літаратурны музей Максіма Багдановіча, вул. М. Багдановіча, 7а, Мінск

«Ой, чаму я стаў паэтам...» — задаўся шмат у чым рытарычным пытаннем Максім Багдановіч 110 гадоў таму. І сапраўды, што падштурхоўвае людзей узяцца за паэтычныя вымудры, рыфмаванне словаў і нязвыклыя рытмічныя пабудовы сказаў?

Пэўнага адказу на гэтыя пытанні няма. Але час паказвае, што чалавек не можа абысціся без такой парадаксальнай з’явы, як паэзія, і звяртаецца да яе ў спадзеве, што яна сфармулюе адказы на невымоўнае.

Лектар — загадчык музея Міхал Бараноўскі — прапануе паразважаць пра гэта ўслых і паспрабаваць разабрацца:

— У чым ёсць прырода паэзіі і нашто яна патрэбна людзям?

— Як да яе прыходзіць чалавек?

— Як пісаць вершы, каб табе прысвяцілі музей?

— На якія ранейшыя і цяперашнія паэтычныя зборнікі варта звярнуць увагу?

А таксама паслухаць колькі ўласных гісторый, вершаў і песень ад лектара.