У аўторак, 16 красавіка, у Берліне адбудзецца паказ дакументальнага фільма Таццяны Свірэпы «Беларусь 23.34».
Дата: 16 красавіка
Час: 19.00 (час мясцовы)
Месца: Kino Krokodil, Greifenhagener Str. 32, Берлін
Фільм «Беларусь 23.34» — гэта гісторыя беларусаў, якія сутыкнуліся з рэпрэсіямі:
хлопец, які проста ехаў на ровары каля абеліска «Мінск-Горад-Герой» і трапіў у пекла на Акрэсціна;
сантэхнік, які выйшаў на станцыю «Фрунзенская», таму што цягнік метро далей не пайшоў, і праз некалькі хвілін ужо ляжаў на тратуары з адарваным абцасам;
маці семярых дзяцей, якая, абараняючы сына, ішла да турэмнага грузавіка і бачыла, як яго абліваюць чырвонай фарбай;
лекарка, якую атруцілі газам у турэмным грузавіку, а потым прымусілі прыгнуцца і бегаць па калідорах жодзінскай турмы...
30 адважных людзей распавялі, як яны перажылі затрыманні і катаванні ў жніўні-снежні 2020 года, што яны адчуваюць і што, на іх думку, змянілася ў беларускім грамадстве (у фільме выкарыстана 25 інтэрв’ю).
Па сеансе будзе дыскусія з рэжысёркай Таняй Свірэпай, двума героямі фільма, экспертам па міжнародным праве Арнэ Бардэле (ECCHR) і Фолькерам Вайхселем (DGO).
Таксама будзе праводзіцца збор подпісаў за палітвязня, які з’яўляецца адным з герояў фільма.
Квіткі коштам 8 еўра бярыце па спасылцы.
