У суботу, 1 чэрвеня, у прасторы «Flame Place» — спантанны інтэрактыўны перфоманс плэйбэк-тэатра «Свой дах».
Дата: 1 чэрвеня
Час: 19.00
Месца: Flame Place, пр-т Машэрава, 9 к. 8, Мінск
Плэйбэк — гэта тэатр гледачовых гісторый. Ён зарадзіўся на стыку псіхалогіі і імправізацыі ў Нью-Йорку ў канцы сямідзесятых гадоў мінулага стагоддзя.
Тут гледачы з залы расказваюць свае гісторыі, а акцёры тут жа іграюць іх на сцэне.
Лета — для кагосьці час актыўнага адпачынку, знаёмстваў, пікнікоў на прыродзе. А для іншых — час працоўных будняў, адасобленых выходных з блізкімі, час ціхіх світанкаў і ўдумлівых заходаў. А якое ваша лета?
Прыходзьце, падзяліцеся вашымі летнімі ўспамінамі, чаканнямі, эмоцыямі, а спантанны тэатр створыць душэўную атмасферу.
Уваход вольны альбо donation.
