10 верасня 4room club паўтарае дабрачынны гарадскі квэст па Брэсце ў падтрымку пошукава-выратавальнага атрада «Анёл».
Дата: 10 верасня
Час: 12.00
Месца збору: «Трактир у Озера», вул. Леніна, 3, Брэст
Берасцейцаў запрашаюць пагуляць у квэст і разам з тым дапамагчы ў набыцці лазернага каляровага прынтара для пошукава-выратавальнага атрада «Анёл», каб раздрукоўваць мапы для пошукаў і арыенціроўкі (менавіта лазерны, фарба якога не «пацячэ» пад дажджом, пад якім рабятам часта даводзіцца працаваць). Апроч гэтага неабходна папера для друкаркі, скотч, канцылярскія файлы і іншае.
Валанцёры пошукава-выратавальнага атрада «Анёл» — гэта людзі з вялікім сэрцам. Нягледзячы на свае асабістыя справы, часта на шкоду сем’ям, дапамагаюць зусім незнаёмым людзям у пошуку зніклых без вестак. Робяць гэта бескарысліва і бясплатна. Дапаможам жа і ім!
Кошт квэстаў 4room club — 10 рублёў, але вы можаце ахвяраваць любую суму: усе грошы, сабраныя падчас квэсту, пойдуць на падтрымку атрада «Анёл».
Збор і рэгістрацыя ўдзельнікаў адбудзецца адразу перад стартам. І не забудзьцеся зараджаныя тэлефоны!
